धरान उपमहानगरपालिकाका मेयर हर्क साम्पाङ मंगलबार सिंहदरबारमा पुगेका छन् । धरान पानिको समस्याबारे प्रधानमन्त्री र खानेपानीमन्त्रीलाई अवगत गराउने उद्देश्यका साथ उनी सिंहदरबारमा पुगेका हुन् । सरकारले धरानको खानेपानी समस्यालाई बेवास्ता गरेको गरेको भन्दै हर्क साम्पाङ खालि गाग्री लिएर काठमाडौँ आएका थिए । तर, उनी सिंहदरबारमा गाग्रीसहित प्रवेश गर्न पाएनन् । खाली गाग्री प्रहरीले नियन्त्रणमा लिएको हो ।
‘सुख्खायाम सुरु भएपछि पानीको संकट पहिलेको जस्तै हो, खै तिमीले श्रमदान गरे पनि पानी खुवाउन सकेनछौ त भन्ने गाली उहाँकै थाप्लोमा आउँछ,’ उनी भन्छन्, ‘गालीबाट बच्नलाई र सरकारलाई घचघच्याउन जानु भएको हो, कोकाहाको पानी ल्याउने प्रयासको औचित्य पुष्टि हुन नसकेका कारण पनि उहाँ काठमाडौं जानुभएको हो ।’
‘फेसबुकमा पानी खुवाउनु भयो, जाडो याममै पानीको अभाव सुरु भएको छ,’ उनले भने,‘ अहिले उहाँले स्टन्टबाजी बाहेक र व्यक्तिगत चर्चा बाहेक केही होइन ।’
