काठमाडौं, फागुन २७
काठमाडौं क्षेत्र नं. ९ मा आगामी निर्वाचनलाई लक्षित गर्दै राजनीतिक माहोल दिनप्रतिदिन तातेको छ । विशेषगरी श्रम संस्कृती पार्टीका उम्मेदवार बलराम श्रेष्ठ र राष्ट्रिय स्वतन्त्र पार्टी (रासपा) का उपसभापति डोल प्रसाद अर्याल बीच मुख्य प्रतिस्पर्धा देखिएको छ । स्थानीय तहमा सक्रियता, जनसम्पर्क अभियान र घरदैलो कार्यक्रमलाई तीव्रता दिँदै दुवै उम्मेदवार मतदाताको समर्थन जुटाउन मैदानमा उत्रिएका छन् ।
स्थानीय बासिन्दासँग गरिएको कुराकानीका आधारमा तयार पारिएको यस समाचार अनुसार क्षेत्र नं. ९ मा परिवर्तनको चाहना र पुराना राजनीतिक अभ्यासप्रति असन्तुष्टि दुवै भावनाहरू देखिन्छन् । केही मतदाताले श्रम, उत्पादन र स्थानीय संस्कृतिलाई प्राथमिकता दिने एजेण्डाका कारण बलराम श्रेष्ठप्रति आकर्षण बढेको बताएका छन् भने सुशासन, पारदर्शिता र वैकल्पिक राजनीतिका मुद्दाका कारण डोल प्रसाद अर्याललाई समर्थन गर्ने मतदाताको संख्या पनि उल्लेख्य देखिन्छ ।
यस क्षेत्रबाट अन्य दलका उम्मेदवारहरू पनि सक्रिय छन् । नेकपा (एमाले) का अजय क्रान्ती शाक्य, नेपाली कांग्रेसकी नानु मैया बास्कोटा, राष्ट्रिय प्रजातन्त्र पार्टीका दिल कुमार कार्की, आम जनता पार्टी, माओवादी केन्द्र, नेकपा एकीकृत समाजवादी लगायत विभिन्न दल तथा स्वतन्त्र उम्मेदवारहरूले पनि चुनावी अभियानलाई तीव्र बनाएका छन्।
त्यस्तै, स्थानीय स्तरमा परिचित अनुहारहरू जस्तै बलराम श्रेष्ठ, लगायतले पनि मतदातासँग प्रत्यक्ष भेटघाट गरिरहेका छन् ।
मतदाताहरूका अनुसार यसपटक रोजगारी, खानेपानी, सडक व्यवस्थापन, शिक्षा र स्वास्थ्य सेवा मुख्य चुनावी एजेण्डा बनेका छन्। युवा मतदातामा नयाँ अनुहारप्रति उत्साह देखिए पनि अनुभवी नेतृत्वको आवश्यकता औंल्याउने मत पनि उत्तिकै रहेको पाइन्छ ।
राजनीतिक विश्लेषकहरूका अनुसार काठमाडौं क्षेत्र नं. ९ मा बहुकोणीय प्रतिस्पर्धा भए पनि अन्तिम परिणाम बलराम श्रेष्ठ र डोल प्रसाद अर्यालबीचको मतान्तरमा निर्भर रहने अनुमान गरिएको छ । चुनाव नजिकिँदै जाँदा प्रचारप्रसार, सभा–सम्मेलन र सामाजिक सञ्जाल अभियान अझ तीव्र हुने अपेक्षा गरिएको छ ।
यस क्षेत्रको मत परिणामले राजधानीको राजनीतिक दिशा मात्र होइन, वैकल्पिक शक्ति र परम्परागत दलबीचको सन्तुलन कस्तो बन्छ भन्ने संकेत समेत दिनेछ ।
